ശബരിമല: മണ്ഡലകാലത്തെ അയ്യപ്പഭക്തരുടെ ദുരിതത്തിന് കാരണം സർക്കാരിന്റെയും ദേവസ്വം ബോർഡിന്റെയും കെടുകാര്യസ്ഥത; ഭക്തര്ക്ക് സുരക്ഷിത ദര്ശന സൗകര്യം ഒരുക്കണം; കടുപ്പിച്ച് കെ സി
ശബരിമലയിലെ ഭയാനകമായ സ്ഥിതിവിശേഷം ഉണ്ടാക്കിയത് സംസ്ഥാന സര്ക്കാരിന്റെ നിരുത്തരവാദിത്ത സമീപനമാണെന്ന് എഐസിസി ജനറല് സെക്രട്ടറി കെസി വേണുഗോപാല് എംപി. കെടുകാര്യസ്ഥതയും പിടിപ്പുകേടും സ്വര്ണ്ണക്കൊള്ളയില് പ്രതികളായവരെ രക്ഷിക്കാനുമുള്ള സര്ക്കാരിന്റെ വ്യഗ്രതയാണ് ഇപ്പോഴത്തെ ശബരിമലയിലെ പ്രതിസന്ധിക്ക് കാരണം. ആരെയെങ്കിലും പഴിചാരി രക്ഷപ്പെടാതെ യുദ്ധകാല അടിസ്ഥാനത്തില് ഭക്തര്ക്ക് സുഗമമായ അയ്യപ്പ ദര്ശനത്തിന് ആവശ്യമായ സൗകര്യം ഒരുക്കണമെന്നും കെസി വേണുഗോപാല് ആവശ്യപ്പെട്ടു. ശബരിമലയിലെ തിരക്കിന് കാരണം മുന്നൊരുക്കങ്ങളുടെ അപര്യാപ്തയാണെന്ന ദേവസ്വം ബോർഡ് പ്രസിഡൻറ് കെ ജയകുമാറിന്റെ പ്രതികരണം സംസ്ഥാന സർക്കാരിൻ്റെ പരാജയം സമ്മതിച്ചുകൊണ്ടുള്ള…
